قصيدة في الشيخ حاكم ابن مهيد

فياض الشمري

طاب الكلام وجاز نظم القصايد

واشتقت اقول ابيات شعر جديدي

للطيب صوت ولأجمل الشعر قايد

للي بهم يزدان نظم القصيدي

اهل الفخر والطيب واهل العوايد

اخوان الجازي كاسبين الحميدي

اللي بوقت الجوع مدوا موايد

الضيف والجيعان به يستفيدي

آل المهيد اللي سواة الرعايد

كرماتهم غيث يسوقه رعيدي

افعالهم بالطيب ماهي جدايد

وليا انتخوا بالكون عليا المهيدي

يذكر بهم شيخ زمان الشدايد

حاكم عريب الساس علمه بعيدي

علمه وصل بالطيب كل البدايد

ليا امحلت وقت الزمان الشديدي

خلف خليل اللي على الطيب زايد

مخالبه للطيب دايم تصيدي

مرحوم ياشيخ كسبت الحمايد

خلفت رجال للمكارم تزيدي

منهم سليل المجد وان مد جايد

اسماعيل بن خليل صدق واكيدي

شيخ على الطوله وكسب الحمايد

ياقف بعزم في صلابة حديدي

له ماقف بالطيب صدق وكايد

ماقف رجولة يستحق الحميدي

من ضيقتي من دون شك وجحايد

يومي مريض وما بيدي زهيدي

وماهم المنصب وزود الرصايد

سند عسى بالعز عمره مديدي

انا اشهد انه من رجال ولايد

اخوان الجازي يكسرون الضديدي

شيوخ وايل والمواقف شهايد

باد الزمان وعلمهم مايبيدي

اسماعيل بالطيبات مالك ندايد

يامسندي لا قل ماتملك ايدي

ياللي عليك الطيب ماهوب كايد

شيخ لمن ينخاك دايم سنيدي

ينصاك رجل ماهتنى بالرقايد

ليلة على كوعة شبيه الطريدي

وينصاك من قلت علية الفوايد

والله يااسماعيل مالك نديدي

وانا نصيتك من صعيب اللهايد

الهم والهاجوس تلهد لهيدي

تم الكلام وهاك نظم القصايد

يازينها لا جت يمك جديدي

ابدااااع على لسان قايلها وتميز على ايدي ناقلها
تسلم يمينك أخي محمد الرمثان ودمت بخيييييييييييييييير

ابو فهد الرسلاني

شاكر مرورك الطيب دمت بخير

قصيدة في الشيخ حاكم ابن مهيد

قصيدة في الشيخ حاكم ابن مهيد

رد: قصيدة في الشيخ حاكم ابن مهيد

رد: قصيدة في الشيخ حاكم ابن مهيد