قصة العنزي والشمري

قصة العنزي والشمري....منقولة

يمكن القصة هذي سمعتوها من قبل لكن انا قرأتها واعجبتني.اترككم مع القصة وأحس انها غريبة ويصعب تصديقها .

في المجالس انتشر أن دغيّم الظلماوي هو اللي يعرف القهوة الصافية..أو اللي فيها..فيضرب فيه المثل فإذا انتقد شخص قهوة قالوا(لو إنك دغيم)...والصحيح أن دغيم مشهور بأن قهوته جاهزة 24 ساعة...وأما اللي يحرك كافة الحواس ويعرف جودة القهوة ..فرجل يُدعى علوش بن ظويهر...من عنزة...والأبيات هي الحكم...وإليكم القصة:
حضر (علوش) إلى مجلس ابن رشيد في (حائل) وبوجود جمع كبيييركعادة شمر في الكرم..ويوم أداروا الفناجين
على الحضور ووصل فنجان (علوش) ورفعه يبي يشرب..وشغل حواسه..عرف إن القهوة فيها شئ ..وعلى غفلة من الجميع..نثر فنجانه لكن الأمير شافه قال له : ماشربت قهوتنا ياعلوش..؟؟!!قال : ماأشتهيتها...(مايبي يقول إن قهوتك فيها شئ)...يوم ألح عليه الأمير قال : القهوة صايدة..!!قال وش فيها..؟؟ قال فيها طعم (أبوالعوف) حشرة صغييييرة...بعدها طلب إحضار ( الملقمة).. اللي يوخذ منها القهوة للدلال... ويوم بحثوا..فعلاً لقواالحشرة...!!!
وحتى يتأكد الأمير من قدرة علوش قال له خلك ضيف عندنا كم يوم ..حتى يختبر حواسه... في القهوة... جلس عندهم وكل ماحطوا شئ مع القهوة عرفه....حتى حطوا مع الهيل قشر مسواك.... قال له الأمير : قهوتنا فيها شئ.؟؟...قال : كأن فيها طعم (أراك).....فأعجب بقدرته الأمير وقال له : كل ماشفت القمر مثل الباكورة في الغرب
وجهك وأشوف....
عاد كان في المجلس شاعر (ذويبي) هو اللي أثبت القصة (والشعر ديوان العرب) يقول الشاعر :

تستاهل الكيف الحمر يابن وايل

أنت الذي تستاهل الكيف كلّه

ياللي نقدته وسط ديوان حايل

لولاك ياعلّوش مااحد ٍ فطن له

ياابن ظويهر مابها قول قايل

تستاهل الفنجال لاحان حلّه

ربعك بني وايل مجاز القبايل

أهل الجموع الطايله والمضله

زبن الدخيل اللي توطاه طايل

الجمع دونه والرّمك مردف ٍ له