ممدوح السعيد / شاهين

شاهين مات ولا درى لموت شاهين*
.........................ماغيـر حسّـاده وربعـه وجـاره

عاش الحياة ولاسأل زين من شيـن
.........................ياخذ ويعطـي والجسـارة شطـارة

مقرود ، متشرد ، مغامر ومسكيـن
.........................لكـن حياتـه كـل ابوهـا اثـارة

مديون ، داين ، عاشها دين في دين
............................والالعـن انـه مـا يوفـر سجـارة

شاهين غاب وكلنـا اليـوم ناسيـن
............................من قبل لا نذكـر شقـاه وسمـارة

مثلـه يغيـب ولا لمثلـه عناويـن
............................ولا يجـي بمثلـه مجـرد عبـارة

يعني مجرد سطـر مالـه موازيـن
............................لا عاش في ثقلـه ولا فـي وقـاره

نبقى برغم اعذارنـا نـاس قاسيـن
............................وتبقـى مواقفنـا مجـرد نـعـارة

حلفت انا لـابكيه لو عيّـت العيـن
............................وحلفت انا لـارثيه غـل وجهـارة

ممدوح السعيد الفدعاني

محمد عبد الرمثان

موضوع طيب الله يوفقك

ممدوح السعيد / شاهين

ممدوح السعيد / شاهين

رد: ممدوح السعيد / شاهين